Əsgərov dubl etdi, komandası 8 qolla qalib gəldi

16.07.2018 , 11:47

Latviya Birinci Liqasında 9-cu turun oyunları keçirilib. Azərbaycanlı futbolçu Vüqar Əsgərovun formasını geyindiyi “Dauqavpils” doğma meydanda “Stayçeles Bebri” ilə qarşılaşıb və bu oyundan qələbə ilə ayrılıb – 8:0.

Vüqar start heyətdə meydana çıxıb və sonadək oynayıb.

Komandasının qollarından ikisini də Əsgərov vurub. O, 62 və 72-ci (penaltidən) dəqiqələrdə fərqlənib. Bununla da o, cari mövsümdə vurduğu topların sayını 10-a çatdırıb və liqanın bombardirlər cədvəlində ilk sırada qərarlaşıb.

“Dauqavpils” isə 9 turdan sonra 21 xalla ikinci pillədə yer alıb.